Detal QR — mebel detallari 3D QR orqali

Tanish ahvolmi?

Ishlab chiqarishdagi har kungi muammolar —
bitta QR bilan yechiladi.

Qog'oz chizma yo'qoladi, moy bosadi, eskirgan versiyasi bilan ishlanadi.

Chizma har ustaning telefonida — doim so'nggi versiya, hech qayerda qolib ketmaydi.

Usta har savolda texnologga qo'ng'iroq qiladi, ish to'xtab turadi.

Detalni bosadi: o'lcham, material, teshilish — hammasi ekranda, savol qolmaydi.

Stolda bir nechta buyurtmaning detallari aralashib yotadi.

Qaysi detal skanerlansa — o'sha buyurtma o'zi ochiladi. Adashish yo'q.

Prisadka xato ketdi — panel brak, material va vaqt isrof.

Har teshikning diametri, chuqurligi va chetgacha masofasi aniq sxemada.

Qanday ishlaydi

Uch qadam. Tamom.

Modelni yuklang

Bazis-Mebelshik'dan .b3d faylni @detalqr_bot ga tashlang — bot o'zi o'qiydi: panellar, furnitura, teshilish, animatsiya. Yoki Bazis ichidagi skriptdan 📤 Yuborishni bosing — model fayl saqlamasdan, aynan Bazis'dagi ko'rinishida (teksturalari bilan) serverga o'zi ketadi.

b3d shkaf_A12.b3d · 4,2 MB

✅ T00105 — 47 ta detal saqlandi

QR birkalarni oling

Havola va QR darhol keladi. A4 varaqda 15 tadan tayyor birka PDF — chop etib detallarga yopishtirasiz yoki havolani ustaga yuborasiz.

01_0011134×652×16 mm
Tom paneli

Skanerlang — ko'ring

Usta telefon kamerasi yoki USB skaner bilan QR'ni o'qiydi — detal 3D'da yonadi, barcha ma'lumoti ekranda. Internet uzilsa ham ishlayveradi.

Imkoniyatlar haqiqiy skrinshotlar

Ustaga kerak hamma narsa —
bitta sahifada.

Bazis'dan bir tugmada — Bazis ko'rinishining o'zi.

Bazis ichida skript: 📤 Yuborish bosildi — model serverda, .b3d faylni saqlab yurish ham shart emas. Model aynan Bazis'dagi ko'rinishida keladi: dekorlar, teksturalar, ranglar. Xuddi Базис.Облако — lekin funksiyalari ortig'i bilan.

Har detalga QR birka, teshilish chizmasi va smeta — Облако'da bular yo'q
Skript o'zini o'zi yangilaydi; parol qo'yilgan faylga ham yechim shu
Model yangilansa — havola va QR'lar o'sha-o'sha ishlayveradi

Skript orqali yuklangan model: Bazis'dagi dekorlar va teksturalar bilan oshxona garnituri

Biznes — butun ishlab chiqarishingiz hisobi shu yerda.

detalQR endi faqat QR emas — biznesingizni yuritadigan vosita ham. Telegram Mini App ichida: zakazlar, ishchilar, kontragentlar. Kelishuv narxini yozasiz — tannarx bog'langan modellar smetasidan o'zi keladi, foyda darrov ko'rinadi. Qog'oz daftar, Excel va kalkulyator — endi bitta ilova.

Zakaz foydasi avtomatik: kelishuv − tannarx − harajatlar
Ishchi oyligi va avanslar, kontragent bilan oldi-berdi hisobi
Dashbord: davr foydasi, ochiq zakazlar, kim sizga qarzdor
Hech qanday jadval-forma yo'q — oddiy tugmalar, oddiy so'zlar

💼 BiznesPRO

💰 Foyda (30 kun)+2 700 000

📋 Ochiq zakazlar3 · 12,5 mln

Aziza opa — oshxonaFOYDA +440 000

Kelishuv5 000 000

Tannarx (smetadan)4 560 000

Karim aka — shkafQARZ 700 000

Kelishuv3 200 000

To'landi2 500 000

👷 Ishchilar: 4🤝 Kontragent: hisob teng ✅

Skanerladi — topildi.

QR o'qilishi bilan detal 3D modelda yonib ajraladi, qolgani shaffoflashadi. Kodi, nomi, aniq o'lchami, materiali va teshiklar soni — bitta panelda.

Butun blokni (tortma, eshik) bir bosishda tanlash
Izolyatsiya — faqat kerakli qismni qoldirish
Detallar ro'yxati va qidiruv — kod yoki nom bilan

Tanlangan detal: 3D modelda ajralib turibdi, ma'lumot panelida o'lcham va material

Teshilish sxemasi — qog'ozsiz.

Har detal uchun CAD uslubidagi 2D chizma: teshiklar diametri va chuqurligi bilan, A/B yuzalar alohida. 115 teshikli panel ham tartibli ro'yxat bilan.

Teshikni bossangiz — chetgacha X/Y masofa avtomatik
O'tma teshiklar alohida belgilanadi
Gabarit o'lchamlar va masshtab chizg'ichi

2D teshilish chizmasi: 115 teshik diametr va koordinatalari bilan

Yig'uvchi uchun — yoyilgan ko'rinish.

Slayderni suring — model havoda «yoyiladi», qaysi detal qayerga turishi darrov tushunarli. Krepyoj rangli belgilar bilan o'z joyida ko'rinadi.

Lineyka: istalgan ikki nuqta orasini o'lchash
Burchaklarga magnitday yopishadi — aniq mm
Detalni yashirish — shkaf ichini ko'rish

Yoyilgan ko'rinish (exploded view): model qismlari havoda ajralgan

Mijozga ko'rsatishga arziydigan 3D.

Panellar material nomidan o'z dekorini oladi: yog'och o'z tolasida, glyanets yaltiraydi, oynalar shaffof. Loyihadagi o'lchamlar ham 3D'da ko'rinadi.

Animatsiya: eshik-tortmalar ochilib ko'rsatadi
AR — mebel real o'lchamda xonangizda «turadi»
Skrinshot bir tugmada — Telegramga ulashing

3D model realistik teksturalar bilan: yog'och, rangli panellar, o'lchamlar

Bazis chizmasi — aslining o'zi.

Texnolog chizgan asl chertyoj (.ldw/.bln) endi telefonda: teshiklar jadvali, o'lchamlar, shtamp — hammasi Bazis'dagidek. Botga chizma faylini tashlang, kerakli detalda «Bazis chizmasi» tugmasi o'zi chiqadi.

Masshtab: yaqinlashtirish, surish, bir tugmada ekranga sig'dirish
Chizma avtomatik detalga bog'lanadi — kod bo'yicha
Xom fayl berilmaydi — faqat tayyor ko'rinish

Bazis chizmasi telefonda: teshiklar jadvali va o'lchamlar bilan asl chertyoj

Yangiliklar avgust 2026

Tizim har hafta o'sadi.
Mana oxirgi qo'shilganlari.

Bazis'dan to'g'ridan-to'g'ri yuklash

Bazis ichida bitta skript — 📤 tugma bosildi, model serverda. Xuddi Базис.Облако — lekin QR birka, chizma va smeta ham bor.

Biznes — daftar o'rniga

Zakaz, kelishuv narxi, tannarx smetadan, harajat, ishchi-avans, kontragent oldi-berdi — foyda o'zi hisoblanadi.

Bazis chizmasi brauzerda

.ldw/.bln chertyojlar detalga bog'lanib telefonda ochiladi — jadval, o'lcham, shtamp bilan.

Telegram Mini App

Botning ichida boshqaruv paneli: modellar, skanerlash statistikasi, jamoa va brend sozlamalari.

Smeta hisobi

Har model uchun material, kromka va xizmatlar narxi avtomatik — Mini App'da bir bosishda.

To'liq detallar ro'yxati

Struktura endi Bazis'dagidek: panellar bilan birga furnitura ham guruh bo'yicha, dona-dona.

GIF darslar

Har funksiya uchun alohida qisqa dars — /qollanma sahifasida, o'zbek va rus tilida.

Bosqichma-bosqich yordamchi

Birinchi ochilishda 4 qadamlik jonli ko'rsatma: aylantirish, masshtab, tanlash, eshik ochish.

2D — bir zumda

Detal chizmasiga o'tish va 3D'ga qaytish endi yuklanishsiz — soniya ulushida.

Muammo xabari — ism bilan

Yuboruvchi ismini yozadi, xabar brend jamoasiga ham boradi: xato modeldami yoki dasturda — bir tugmada belgilanadi.

Va yana — hammasi ichida.

Hech narsa o'rnatilmaydi: barchasi oddiy brauzerda ishlaydi.

USB / Bluetooth skaner

Ustaxonadagi kompyuterga skaner ulang — otdi, detal ekranda. Hech narsa bosilmaydi.

Kodni qo'lda kiritish

QR yirtilib ketdimi? Kodni terib ham detalni ochish mumkin.

Skan tarixi

Har bir skanerlash serverda qayd etiladi — detal topildi yoki topilmadi belgisi bilan.

Furnitura va krepyoj

Petlya, minifix, evrovint — 3D'da rangli belgilar, jami ro'yxat bilan.

Animatsiya

Eshiklar ochilib, tortmalar chiqib — mebel «jonlanadi».

AR — xonada ko'rish

Telefon orqali mebel real o'lchamda xonangizda turadi.

Oflayn ishlaydi

Bir marta ochilgan model internet uzilsa ham ishlayveradi (PWA).

Ikki til: UZ / RU

Interfeys bir tugmada almashadi — har usta o'z tilida.

Muammo xabari

Usta ismini yozib xatoni yuboradi — rasm va detal kodi bilan. Xabar brend jamoasiga ham boradi, javob Telegram'da.

O'z brendingiz

Mijoz ochadigan sahifada sizning logotipingiz va nomingiz.

Model yangilash

Qayta yuklasangiz — eski havola va QR'lar ishlayveradi.

Istalgan qurilma

Telefon, planshet, kompyuter, hatto ustaxonadagi televizor — bitta sayt moslashadi.

Ko'p beriladigan savollar

Qanday boshlayman? +

@detalqr_bot ga kirib /start bosasiz: til tanlaysiz, ishlab chiqarish nomini yozasiz — tamom. Bot darhol tayyor namuna modelni beradi: hech narsa yuklamasdan turib QR skanerlashni sinab ko'rasiz.

Faqat Bazis fayllari ishlaydimi? +

Ha, hozircha Bazis-Mebelshik .b3d fayllari. Real teksturali .zip eksport ham qabul qilinadi.

Parol qo'yilgan .b3d faylni yuklab bo'ladimi? +

Bo'ladi. Bot /skript buyrug'i bilan maxsus skript beradi — uni Bazis ichida ishga tushirsangiz, model JSON faylga eksport bo'ladi. Shu faylni botga tashlaysiz — natija oddiy .b3d bilan bir xil.

Ustalar telefoniga ilova o'rnatish kerakmi? +

Yo'q. Havola oddiy brauzerda ochiladi. Xohlagan usta bir tugma bilan ekranga yorliq qilib qo'yadi — ilova kabi ishlaydi.

Ustaxonada internet sust yoki yo'q bo'lsa-chi? +

Bir marta ochilgan model telefonda keshda qoladi va oflaynda ham to'liq ishlaydi — 3D, o'lchamlar, teshilish sxemasi.

QR kodlar qanday chop etiladi? +

Har model uchun A4 varaqda 15 tadan tayyor QR-birka PDF keladi: detal kodi, o'lchami va nomi bilan. Chop etib detallarga yopishtirasiz. Bazis'ning o'zida chiqarilgan birkalardagi QR ham taniladi. QR yirtilsa — kodni qo'lda terib ochish mumkin.

Modelni qayta yuklasam, eski QR'lar ishlaydimi? +

Ha. Xuddi shu artikul bilan qayta yuklasangiz bot tasdiq so'raydi, yangilangandan keyin barcha eski havola va QR'lar ishlashda davom etadi — birkalarni qayta chop etish shart emas.

Usta modelda xato topsa nima qiladi? +

Sahifadagi «xabar berish» tugmasini bosadi, muammoni yozadi — tizim model kodi, tanlangan detal va skrinshot bilan birga xabarni qabul qiladi. Ko'rib chiqilgach javob Telegram orqali sizga qaytadi.

Ma'lumotlarim boshqalarga ko'rinadimi? +

Har korxonaning modellari o'z havolasi ostida turadi — faqat havolani bilganlar ochadi. Boshqa brendlar sizning modellaringizni ko'rmaydi.

Jamoam bilan ishlasam bo'ladimi? +

Ha — /jamoa buyrug'i taklif havolasini beradi: xodimlaringiz alohida brend ochmasdan sizning ishlab chiqarishingizga qo'shiladi va modellarni birga boshqarasiz.